چیئرمین ہول سیل گروسرز گروپ عبدالرؤف ابراہیم نے کہا ہے کہ کمشنر کراچی کے مقرر کردہ آٹے کے سرکاری نرخ مارکیٹ کی قیمتوں سے ہم آہنگ نہیں بلکہ اس وقت رائج نرخ سے زائد ہیں جن کا فائدہ صارفین کے بجائے فلور ملوں کو پہنچے گا۔

انہوں نے کہا کہ ڈھائی نمبر آٹے کا موجودہ ہول سیل ریٹ 86 روپے فی کلو ہے، کمشنر نے ڈھائی نمبر آٹے کے ریٹ مارکیٹ ریٹ سے الٹا 4 روپے بڑھا دیے۔

فائن آٹے کے ریٹ میں ایک روپے فی کلو کی معمولی کمی کی گئی جبکہ فائن آٹا پہلے ہی ہول سیل میں 96 روپے فی کلو فروخت ہورہا ہے۔

انہوں نے کہا کہ اوپن مارکیٹ میں گندم کے ریٹ 74 روپے فی کلو کی سطح پر ہیں،  سرکاری قیمتوں کے تعین میں گندم کی موجودہ قیمت کو مد نظر نہیں رکھا گیا، کمشنر کراچی نے گندم کے ریٹ نیچے آنے کا فائدہ عوام کو نہیں دیا

انہوں نے کہا کہآٹے کی سرکاری قیمتوں کا فائدہ فلور ملز مالکان کو ہوگا۔ آٹے کی قیمت گندم کی قیمت کو مدنظر رکھتے ہوئے مقرر کی جائے