چیف میٹرولوجسٹ سردار سرفراز نے کہا ہے کہ شہر قائد میں کل سے سائبرین ہوائیں رفتار پکڑیں گی، کراچی میں 25 سے 35 کلو میٹر فی گھنٹہ کی رفتار سے شمال مشرقی ہوائیں چلیں گی۔

سردار سرفراز نے کہا کہ کراچی میں تیز سائبرین ہوائیں چلیں گی، 24 اور 25 دسمبر کو شہر میں تیز ہواؤں کا امکان ہے، اس دوران سردی کی شدت زیادہ محسوس کی جائے گی۔

انہوں نے کہا کہ شہر میں سائبرین ہوائیں چلنے کے سبب دن کا درجہ حرارت 25 ڈگری اور رات کا درجہ حرارت 9 تا 11 ڈگری کے درمیان ریکارڈ ہونے کا امکان ہے۔